پڕۆژه‌ی هاوکاری گه‌شه‌پێدانی به‌ڵخه‌ی هه‌ورامان

بۆ ساڵی 2009

به‌ناوی خوای به‌خشنده‌ و میهره‌بان

ده‌ستپێک

له‌گه‌ڵ کرانه‌وه‌ی ڕۆژ به‌ ڕۆژی دنیا و به‌ره‌و پێشچوونی کۆمه‌ڵگاکان وسه‌رقاڵی زیاتری مرۆڤ به‌کارو باری ڕۆژانه‌یه‌وه‌ ، لێکترازان و دابڕانێکی زۆر له‌ نێوان خه‌ڵکدا دروست بوو ، به‌ڕاده‌یه‌ک وای لێهاتوه‌ ئه‌مڕۆ خه‌ڵکی ته‌نیا له‌ بیری به‌رژوه‌ندی تایبه‌تی خۆیاندان و نایانپه‌رژێته‌ سه‌ر به‌رژه‌وه‌ندییه‌ نه‌ک گشتیه‌کانی کۆمه‌ڵگا ، به‌ڵکو ته‌نانه‌ت بواریشیان نه‌ماوه‌ بیر له‌ هاوکاری و به‌ده‌نگه‌وه‌چونی دۆست و نزیک و ئه‌ندامانی خێزانیه‌کانی خۆشیان بکه‌نه‌وه‌ . له‌کاتێکدا هاوکاری و به‌ده‌نگه‌وه‌ هاتن بڕبڕه‌ی پشتی کۆکردنه‌وه‌مانه‌ له‌نێو یه‌ک خێزان ، گوند ، کۆمه‌ڵگا ... هتد

وه‌ به‌بێ ئه‌م بڕبڕه‌یه‌ش شیرازه‌ی ئه‌و خێزان یان گوند و‌ کۆمه‌ڵگه‌یه‌ی که‌ هه‌یه‌ له‌به‌رده‌م مه‌ترسی لێکهه‌ڵوه‌شاندنه‌وه‌دا ده‌بێت .

  گوندی ئێمه‌ش وه‌ک هه‌ر ناوچه‌یه‌کی تری سه‌ر ئه‌م زه‌مینه‌ بێ به‌ش نیه‌ له‌ کاریگه‌ریه‌کانی ئه‌م گۆڕان و به‌ره‌وپێش چونانه‌ . کاریگه‌ری ئه‌م به‌ره‌و پێشچون و گۆڕانانه‌ش جۆرێک له‌ دابڕانی له‌ نێو خه‌ڵک و گه‌نجی ئێمه‌دا دروستکردوه‌ ، به‌ڕاده‌یه‌ک نه‌ک به‌ته‌نگ هاوکاری کردن وه‌ به‌ده‌نگه‌وه‌ هاتنی یه‌کتره‌وه‌ نین به‌ڵکو له‌ هه‌ندێک کاتدا کار گه‌شتوه‌ته‌ ئه‌وه‌ی ته‌نانه‌ت یه‌کتریش نه‌ناسینه‌وه‌ .

بۆ به‌گرتن له‌م کێشه‌یه‌ وه‌ هه‌روه‌ها دروستکردنه‌وه‌ی تێکه‌ڵی و په‌یوه‌ندی و گێڕانه‌وه‌ی خۆشه‌ویستی و‌ ڕۆحی هاوکاری و‌ به‌ده‌نگه‌وه‌ هاتینی یه‌کتر بۆ نیو گه‌نجان و خه‌ڵکی گونده‌که‌مان ، ئێمه‌ وه‌ک چه‌ند گه‌نجێک که‌ خه‌ڵکی گونده‌که‌ین ، هه‌ستمان به‌ پێوستی خستنه‌ گه‌ڕی پڕۆژه‌یه‌ک کرد که‌ بتوانێت بێته‌ ڕایه‌ڵه‌یه‌ک تاوه‌کو جارێکی تر ئه‌م خه‌ڵکه‌ پێکه‌وه‌ گرێ بداته‌وه‌ له‌سه‌ر بنه‌مای هاوکاری کردن وه‌ به‌ده‌نگه‌وه‌ هاتنی یه‌کتر .  

بێگومان گرتنه‌ ئه‌ستۆی ئه‌رکی پڕۆژه‌یه‌کی له‌م جۆره‌ش ئاسان نیه‌ له‌م بارودۆخه‌دا وه‌ ته‌نیا به‌ئێمه‌ش به‌ڕێوه‌ ناچێت به‌ڵکو پێویستی به‌ تاک تاکی خه‌ڵگی گونده‌که‌مان هه‌یه‌ له‌هه‌رکوێیه‌ک بیت ، بۆ هاوکاری کردن و سه‌که‌وتنی پڕۆژه‌که‌ .

له‌گه‌ڵ ئه‌وه‌ی ئێمه‌ ده‌سبه‌کاربونی ئه‌م پڕۆژه‌یه‌ ڕاده‌گه‌یه‌نین ، دڵنیاشین له‌وه‌ی که‌ خه‌ڵکی گونده‌که‌مان لانی که‌می ئه‌و ڕۆحیه‌تی هاوکاریه‌ی تێدایه‌ که‌ بێته‌ پاڵ پڕۆژه‌یه‌ک که‌ پڕۆژه‌ی خۆیه‌تی و بۆ خۆشیه‌تی و‌ به‌رده‌وامی پڕۆژه‌که‌ش دیسان به‌نده‌ به‌ به‌رده‌وامی هاوکاریتان بۆ سه‌رخستنی پڕۆژه‌که‌‌ .

هیوادارین ئه‌م پڕۆژه‌یه‌مان ، ببێته‌ خوانێک که‌ بتوانین هه‌مومان له‌سه‌ر بنه‌مای خۆ شه‌ویستی  و ڕێز و هاوکاری  کۆ ببینه‌وه‌ و ده‌سپێکیش بێت بۆ پڕۆژه‌ی جوانترو خزمه‌تکردنی زیاتری خه‌ڵکی گونده‌که‌مان .

ناوی پرۆژه‌ :

پڕۆژه‌ی هاوکاری و گه‌شه‌پێدانی ( به‌ڵخه‌ ) ی هه‌ورامان .

پێناسه‌ :

 پڕۆژه‌یه‌کی قازانج نه‌ویسته‌و سنورداره‌ ، بۆ زیندو کردنه‌وه‌ی گیانی هاوکاری و به‌ده‌نگه‌وه‌هاتنی یه‌کتری و گه‌شه‌پێدانی لایه‌نی هۆشیاری گشتی .

ئامانج :

1- هۆشیار کردنه‌وه‌ی خه‌ڵکی ناوچه‌که‌ له‌سه‌ر بابه‌ته‌ ( کشتوکاڵی ، ڕۆشنبیری ، کۆمه‌لایه‌تی )یه‌کان .

2- هه‌وڵدان بۆ چاره‌سه‌رکردنی کێشه‌ ئیدارییه‌کان و دابین کردنی پێداویستییه‌کانی ناوچه‌که‌ به‌ هه‌ماهه‌نگی له‌گه‌ڵ ئه‌نجومه‌نی گوندی به‌ڵخه‌ و یه‌که‌ی ئیداریی ناوچه‌که‌ .

3- هاوکاریکردنی ماددی ئه‌و قوتابی و خوێندکارانه‌ی که‌ له‌ زانکۆ و په‌یمه‌نگاکان وه‌رده‌گیرێن به‌و مه‌ر‌جه‌ی پێگه‌ی جوگرافی بگۆڕیت .

4- هاوکاری کردنی مادی هه‌رکه‌سێکی خه‌ڵکی گونده‌که‌ که‌ ڕوبه‌ڕوی حاڵه‌تێکی کتو پڕ ده‌بێته‌وه‌ .

میکانیزمه‌کانی کارکردن :

1-  کردنه‌وه‌ی ۆرکشۆپ و خولی جۆرا و جۆر به‌هه‌ماهه‌نگی له‌گه‌ڵ ڕیخراو و سه‌نته‌ره‌کانی تایبه‌ت به‌ مه‌سه‌له‌ (کشتوکاڵی ، ڕۆشنبیری ، کۆمه‌لایه‌تی )یه‌کان .

2- به‌رزکردنه‌وه‌ی یاداشت و دروستکردنی فشار له‌سه‌ر لایه‌نه‌ په‌یوه‌ندیداره‌کان بۆ چاره‌سه‌ری کێشه‌ و که‌م و کوڕییه‌ ئیدارییه‌کانی ناوچه‌که‌ .

3- بڕی هاوکاری کردنی خوێندکاران و قوتابیان ته‌نها یه‌ک جار و له‌ قۆناغی سه‌ره‌تای خوێندنی زانکۆ یان  په‌یمانگادا ده‌بێت ، بڕی هاوکاریه‌که‌ش له‌لایه‌ن ئه‌نجومه‌نی به‌ڕیه‌وه‌بردنه‌وه‌ دیاری ده‌کرێت .

4- بڕی هاوکاری کردن بۆ حاڵه‌تی کتو پڕ له‌ لایه‌ن ئه‌نجومه‌نی به‌ڕێوه‌بردن دیاری ده‌کرێت .

مه‌رجه‌کانی ئه‌ندامێتی :

   1- پێویسته‌ ته‌مه‌نی له‌ 18 ساڵ که‌متر نه‌بێت .

   2- به‌ڵخه‌یی بێت .

   3- مافی ئه‌ندامێتی بۆ هه‌ر دوو ڕه‌گه‌ز ( نێر ، مێ ) ، به‌بێ جیاوازی .

   4- ئه‌ندام له‌ڕێگه‌ی پڕ کردنه‌وه‌ی فۆڕمی تایبه‌تی ئه‌ندامێتیه‌وه‌ مافی ئه‌ندامێتی به‌ ده‌ست دێنێت ، که‌له‌لای ئه‌نجومه‌نی به‌ڕێوه‌بردن ده‌پارێزرێت . 

 5- هه‌موو که‌سێک له‌ سه‌رتا سه‌ری دنیادا ده‌توانیت ببێته‌ ئه‌ندامی پرۆژه‌که‌ ئه‌گه‌ر ئه‌م مه‌رجانه‌ی ئه‌ندامێتی تێدا بێت که‌ له‌م‌ په‌یوه‌ست نامه‌یه‌دا هاتووه‌ ‌.

 ئه‌رک و مافه‌کانی ئه‌ندام : 

 1-  هه‌مو ئه‌ندامێک ده‌بێت مانگانه‌ بڕێک پاره‌ بدات که‌ له‌   (10000 ) ده‌ هه‌زار دیناری چاپی عێراقی که‌متر نه‌بێت .

 2-  ئه‌ندام له‌سه‌ریه‌تی خۆی ئه‌و بڕه‌ پاره‌یه‌ بگه‌یه‌نه‌ته‌ ده‌ست یه‌کێک له‌ ئه‌ندامانی ئه‌نجومانی به‌ڕێوه‌ بردن .

  3-  هه‌موو ئه‌ندامێک مافی ئه‌وه‌ی هه‌یه‌ داوای چۆنییه‌تی به‌ڕێوه‌ چوونی خه‌رجی و هاوکارییه‌کان بکات .

  4-  هه‌موو ئه‌ندامێک مافی ئه‌وه‌ی هه‌یه‌ له‌هه‌ر کاتێکدا ئه‌ندامێتی خۆی هه‌ڵپه‌سێرێت .

  5- هه‌ر ئه‌ندامێک تا سێ مانگ به‌بێ هۆیه‌کی ئاشکرا ،پاپه‌ند نه‌بوو به‌ ئه‌رکه‌کانیه‌وه‌ ، خۆبه‌خۆ مافی ئه‌ندامبوونی هه‌ڵده‌په‌سێردرێت .   

سودمه‌ندی پرۆژه‌که‌ :  

  خه‌ڵکی گوندی به‌ڵخه‌ به‌ گشتی .

ئه‌نجومه‌نی به‌ڕێوه‌ بردن :  

 ئه‌نجومه‌نی به‌ڕێوه‌بردن ، له‌ (8) هه‌شت که‌س پێک دێت که‌ ئه‌رکی به‌ڕێوه‌ بردنی پرۆژه‌که‌یان له‌ ئه‌ستۆ دایه‌ .

ده‌سه‌ڵاته‌کانی ئه‌نجومه‌نی به‌ڕێوه‌ بردن :

 1.ئه‌ندامانی  ئه‌نجومه‌ن ده‌بێت پابه‌ند بن به‌ ته‌واوی ئه‌و خاڵانه‌ی له‌م په‌یوه‌ستنامه‌یه‌دا هاتووه‌ .

 2. ئه‌نجومه‌ن بڕیاری دیاری کردن و هاوکاریه‌کان ده‌دات . 

 3.  بۆ هه‌ر بڕیارێک ئه‌نجومه‌ن پێویستی به‌ زۆرینه‌ی ده‌نگ هه‌یه‌ .   

 4. ئه‌نجومه‌ن ده‌بێت هه‌موو دوو مانگ جارێک کۆبونه‌وه‌ی ئاسایی خۆی گرێ بدات .

 5.  خه‌رجی لا‌یه‌نی ئیداری، ده‌که‌وێته‌ ئه‌ستۆی پرۆژه‌که‌ . 

 6. پاراستنی ئه‌و داهاته‌ی که‌ له‌ڕێگه‌ی ئه‌م پرۆژه‌یه‌وه‌ کۆده‌کرێته‌وه‌ ده‌که‌وێته‌ ئه‌ستۆی ئه‌ندامانی ئه‌نجومانی به‌ڕێوه‌ بردن .

 7.  ئه‌ندامانی ئه‌نجومه‌ن بۆیان هه‌یه‌ هه‌ر جۆره‌ هاوکاریه‌ک له‌ ( که‌س ، لایه‌ن  ، حکومه‌ت ، حیزب )  وه‌بگرن به‌ئاگاداری هه‌موان و ئاماده‌ بونی سێ ئه‌ندام به‌لا‌نی که‌م‌ .  

 8.  له‌کاتی وه‌رگرتنی هاوکاریدا له‌ هه‌ر ( که‌سێک یان لایه‌نێک یان حکومه‌ت یان حزبێک )  ده‌بێت ئه‌ندامانی ئه‌نجومه‌ن داوای دیکۆمێنتێکی ره‌سمی له‌و ( که‌س ، لایه‌ن ، حکومه‌ت ، حزب ) ه‌ بکه‌ن که‌ بیسه‌لمێنێت به‌بێ مه‌رج ئه‌و هاوکاریه‌ی پێشکه‌شی پرۆژه‌که‌ کردووه‌ .

    9-  ئه‌نخومه‌ن مافی ئه‌وه‌ی هه‌یه‌ ، پاش ساڵێک بریاری گۆرینی ئه‌م په‌یوه‌ست نامه‌یه‌ بدات به‌کۆی ده‌نگی ئه‌ندامانی به‌مه‌رجێک پێش مانگێک ته‌واوی ئه‌ندامانی پرۆژه‌که‌ ئاگادار بکرێنه‌وه‌ تاوه‌کو  ڕاو سه‌رنجی خۆیان پێشکه‌شێ ئه‌نجومه‌نه‌که‌ بکه‌ن .

    10-  له‌کۆبونه‌وه‌یه‌کی گشتی ساڵانه‌داو به‌ ئاماده‌بونی ئه‌ندامانی پرۆژه‌که‌ گۆرانکاریه‌کانی ئه‌م په‌یوه‌ست نامه‌یه‌ ده‌خرێته‌ روو .

11- ئه‌ندامانی ئه‌نجومه‌نی به‌ڕێوه‌ بردن له‌کۆبونه‌وه‌ی ساڵاندا به‌دانگ دان له‌لایه‌ن ئه‌ندامانی پرۆژه‌که‌وه‌ هه‌ڵ ده‌بژێرێن .

ئه‌ندامانی ئه‌نجومه‌نی به‌ڕێوه‌ بردن /