هۆرامان و وه‌هار     

کۆیار ره‌ووف

 چه‌نی ئامای وه‌هاری هۆرامان وێش ڕازنۆوه‌ به‌ وه‌شترین ڕه‌نگ و وه‌شته‌رین ده‌نگ و وه‌شته‌رین بوه‌ به‌خشۆوه بێجگه‌ ئانه‌یه‌ که‌ هۆرامان یاگێ سه‌یران و گه‌شتی بیه‌ن ، هه‌میشه‌ یاگێ عیلم و عیرفانی بیه‌ن و حوجره‌کێ هۆرامانی هه‌زاران مامۆسێ و زانێو ده‌سڕه‌نگینێش یاونێنێ په‌نه‌ ، جه‌گردو کوردستانێ په‌ی زانستی جه‌سه‌رده‌مه‌کا کۆنیه‌نه‌ ڕوه‌شآ که‌ردێنه‌ هۆرامان وبێجگه‌ ئانه‌یه‌ که‌ زانست فێرێ بیێنێ ، کاتێوی وه‌ش شآ به‌رده‌ن سه‌ر جه‌هۆرامانه‌نه‌ به‌تایبه‌ت وه‌ختو وه‌هاریه‌نه‌ ، ئی سرووشته‌ وه‌شه‌و هۆرامانی بیه‌ن  چه‌نی زوانه‌ شێرێنه‌که‌یش که‌ مامۆسێوی گۆره‌ی پسه‌و مه‌وله‌وه‌ی که‌ وێش سۆرانی زوان بیه‌ن به‌ڵام پسه‌ وێش فه‌رماوو جه‌ دیوانه‌که‌شه‌نه‌ که‌ ، شیرینی و وه‌شیو پاراوی زوانو هۆرامی پاسشه‌ په‌نه‌که‌رده‌ن که‌ به‌زوانی هۆرامی شیعره‌ وه‌شه‌  په‌ڕ ماناکاش به‌ زوانی هۆرامی بنویسۆ ، زوانی هۆرامی لا مه‌وله‌وی شاعیڕیۆ یانێ زوانو شێعرێ ، به‌ڵام به‌داخه‌وه‌ ئیسه‌ هۆرامی زوانه‌کێ .، وه‌ڵێنه‌ وێم ماچوو لاشا دان چی ڕاڕه‌وه‌یه‌، که‌م هۆرامی زوان وینی به‌هۆرامی بنویسۆ ..ئاییچ وه‌رو ئانه‌یه‌ که‌ کێشه‌كێ فرێ بیێنێ ، مه‌تاومێ پسه‌ ئانه‌یه‌ که‌ مشیۆ کرییۆ که‌رمێش په‌ی هۆرامانی ، من پاسه‌ش مزامو که‌ پسه‌ پێویستی لانه‌کریانۆ جه‌ هۆرامانی جه‌جه‌لایه‌ن و که‌لتوریۆ تا خه‌ڵك پسه‌و پێویستی ئا زوانه‌ شیر‌ینه‌یه‌ پارێزنۆ مه‌به‌ستم  ئانه‌نه‌ خه‌ڵک زیاته‌ر به‌کێشه گۆره‌کاوه‌ خه‌ریکا ، ئه‌گه‌ر ده‌سه‌ڵات بنکێوی فه‌رهه‌نگی نه‌که‌وۆوه‌ په‌ی هۆرامانی و کۆمه‌ڵێ و که‌سێ ته‌رخان نه‌که‌رۆ په‌ی پارێزنای زوانو که‌لتوری هۆرامی ئانه‌ ئه‌ی زوانه‌ ڕوبه‌ڕۆ دلینه‌ مشۆ ، وه‌رو ئانه‌یه‌ پێویستا که‌ هۆرامی زوانه‌کێ هۆڵێ دا تا بنکێوی گۆره‌ هۆرامانه‌نه‌ په‌ی خزمه‌ت که‌رده‌و هۆرامانی که‌راوه‌ ، ته‌نها ساڵانه‌ یادێو نه‌کریۆوه‌و ته‌مام ، هۆرامان پێویستش به‌ وه‌ڵا کریاوه‌ی هۆرامی هه‌ن پێویستش به‌ رادیۆی هۆرامی هه‌ن نه‌ک به‌رنامێوی چن ده‌یه‌قه‌یی و یان جه‌ بۆنه‌کانه‌ چن که‌سێ جه‌هۆرامیه‌کا چڕاو به‌رنامێوشآ په‌نه‌ به‌رکه‌را ، ئینه‌ خزمه‌ت مه‌که‌رۆ به‌ هۆرامانی ،،، به‌داخه‌وه‌ هۆرامان یاگێوه‌ی فره‌ وه‌شآ به‌ڵام ، په‌ره‌ش په‌نه‌ مه‌درییۆ پسه‌و یاگه‌کا ته‌ری ، شاعیره‌ گۆره‌کێ پسه‌و مامۆسا گۆرانی  مه‌وله‌وی چن شێعرێ وه‌شێشآ نیێنێره‌ په‌ی هۆرامانی ، که‌چی ئیسه‌ خه‌ریکای فرێما زوانه‌که‌ما ویر مشۆوه‌ . چی وه‌هاره‌نه‌ با چه‌نی سروشته‌ زه‌ریفه‌که‌و هۆرامانی وچه‌نی ده‌نگ و ژه‌ره‌ژه‌کا و باڵنده‌کاته‌ری و چه‌نی هاژه‌و تاڤگه‌کاو بوه‌ وه‌شيکێ هۆرامانی ئیمه‌یچ وێما ئاماده‌ که‌رمێ په‌ی ئانه‌یه‌ که‌ نویسته‌ و شێعره‌کاما و گۆرانیه‌کاما ئامێته‌و هۆرامانی که‌رمێ ، من چێگه‌وه‌ ماچوو. شه‌رته‌ن یادوتۆ نه‌شۆ جه‌وییرم زادگای شیرین باوو باپیرم